630/2023-2024

Aizawl, the 31st may 2023: Governor Dr Hari Babu Kambhampati chuan vawiin khan Raj Bhavan-ah National Institute of Electronics & Information Technology (NIELIT), Aizawl hotute a titi pui a. NIELIT in Mizoram chhunga an hmalakna leh an thlenchin te a zawtin changtlung zawka kalpui dan tur te sawiho a ni.

NIELIT hotute a kawmnaah Governor Dr Hari Babu Kambhampati chuan Computer thiam pawimawh tak zia te, eng hna pawh thawk dawn ila Computer thiam a ngai deuh vek tawh nia a lan thu te bakah IT literacy ah tan lak a ngaih thu te a sawi hmasa a. Central Sawrkar hnuaia din, a zirna pawh Central sawrkar duhdan thlapa duan NIELIT hnuaia computer thiamna zir chu state chhung leh pawna hna zawng tur tana thil pawimawh tak a ni tih a sawi hmasa. Hemi hnu hian NIELIT, Aizawl leh Lunglei centre atanga hmalakna hrang hrang, proram leh course zir theih te, zirlai kum khata admission pek theih zat te, zirna kaihhnawih thil,bungrua leh khawl chungchang te bakah an harsatna tawh te a zawt leh a ni.

Governor zawhna behchhan hian T. Gunendra Singh, Director -in-Charge, NIELIT, Aizawl leh a thawhpui officer ten PowerPoint presentation hmangin NIELIT hmalakna, thlenchin, hmachhawp leh an harsatna te an sawifiah a ni. Governor chuan NIELIT in Computer leh a kaihhnawih thil zirtirna hrang hrang a kalpui te chu a tha thawkhat nia a hriat thu a sawi a. Theihtawp chhuah chhunzawm turin a chah a. NIELIT atang diploma nei ten Mizoram Sawrkar hnuaiah LDC hna an dil ve thei lo lai chu lo zirchian a, sawrkar thuneitute sawipui a tum thu a hrilh a. Central Sawrkar lama NIELIT mamawh te pawh a tul angin Ministry of Electronics & Information Technology, Government of India thuneitute hnenah bawhzui sak a inhuam thu a sawi bawk.

Report pek dan chuan kum khat chhungin zirlai 3000 bawr vel NIELIT ah hian Course hrang hrang hnuaiah ziahluh thin an ni a. Hmeichhe Hostel mi 51 awm theihna leh Mipa Hostel, mi 82 awm theihna an nei mek a ni. NIELIT hnuaia zirna hi chi thum – Formal, Non-Formal leh Short Term Course anga kalpui a. NIELIT hi zirna hmanrua tha tak taka thuam a ni a. A hnuai tarlan ang hian class room leh buangrua tha tak taka thuam a ni.

Cyber Forensic Lab, Library, Computing Facility: 300 Computer systems, Electronics Labs: Electronics & Communication Engg. Lab,Electronics & Electrical Workshop, Repair and Maintenance of Consumer Electronics (RMCE) Lab, Hardware & Networking Lab, Digital and Analog Electronics Lab, Medical Electronics Lab -Ultrasound Machine, Shortwave Diathermy, Portable X-Ray, Machine, Patient Monitor etc , Patient Simulator, Multi-parameter Simulator etc for, Applied Sciences Labs: practical neihna, Mechanical Workshop, Lecture Hallsleh a dang te.

A hnuai tarlan te hi NIELIT ah a zir theih bawk.

Long Term Courses

1)BCA – MZU, 

2)Dip. In Electronics & Telecomm. Engg – H&TE,

3)Dip. In Computer Sc & Engg - H&TE, 

4)MCA - MZU,

5)M. Sc (Electronics) –MZU, 

6)O-Level (Software) - NIELIT,

7)A-Level (Software) – NIELIT, 

8)O-Level (BioInformatics) – NIELIT,

9)A-Level (BioInformatics) - NIELIT – NIELIT,

10)O-Level (Hardware) - NIELIT

11)A-Level (Hardware) – NIELIT,

Short Term Courses

1)Course on Computer Concepts (CCC) – NIELIT,

2)Certified Web Developer – NIELIT,

3)Certified Office Automation and IT Assistant – NIELIT,

4)Certified Computer Application Accounting and Publishing Assistant – NIELIT,

5)Computer Applications and Business Accounting Associate – NIELIT,

6)Cyber Secured Web Development Associate – NIELIT,

7)Office Automation, Accounting and Publishing Assistant.