No.5422/2020-2021

Siaha; the 25th September, 2020 : Vawiin khan National Integrated Forum of Artists & Activists (NIFAA) Siaha District chuan MTP Gen.HQ Office,Siaha-ah India rama NIFAA kum 20 tlin lawmna pualin Siaha District chhunga Covid-19 dona kawnga thawk tha: mimal leh pawl bakah kum 2020 chhunga thingtiak 20 aia tam phun mimal, pawl leh kohhran te chawimawina hun an hmang.

Vawiin programme hi Pu L.Prisila, EM (Social Welfare) Deptt., MADC, Siaha chuan khuallian niin hman pui a. Pu LD Vabeihruasa, President, NIFAA Siaha district in programme a kaihruai.

Pu L.Prisila chuan thu sawiin; kan ramin pawl a mamawh em em, NIFAA a rawn ding hi a lawmawm takzet a, kan District tan phei chuan Pawl naupang tak ni hrih mahse, an pawl naupan ngaihtuahin an hmalakna thawm a ring hle a. Kan district tan chak takin ke pen chhunzawm zel se la, khawtlang leh ram hmasawnna rahbi thar tuk ngei turin ka fuihin; duhsakna ka hlan bawk a ni, a ti.

NIFAA Siaha District chuan Covid-19 dona kawnga hmalatu pawl lian ber, MTP Gen.HQ leh Joint Village Council te bakah, Covid-19 dona kawnga mahni inpe (Volunteer) mi 18 te leh Siaha District huamchhunga kum 2020 chhunga thingtiak 20 aia tam phun Pawl, mimal leh kohhran 12 te hnenah Chawimawina an hlan bawk a ni.

Vawiina NIFAA Siaha District ten Covid-19 dona kawnga thawk tha te leh thingtiak phun tam te Chawimawina hun an buatsaih hi MTP Gen.HQ hruaituten an hmanpui bawk a ni.