Nimin chawhma dar 11:00 khan Chawngte tlangdung a cheng te tan Soil & Water Conservation leh Vety. Department hnuaia NLUP 2nd Installment dawng tu tur te hnen ah Rualalung BNRGSK Hall ah Pu S.Laldingliana, Parliamentary Secretary chuan a sem.

He NLUP semna inkhawm hi Pu V.L Rimawia’n kaihruai in khuallian ah Pu S. Laldingliana Parliamentary Secretary chu hman a ni. Pu S. Laldingliana chuan thu sawiin NLUP dawng tute ka lawmpui che u in miharsa leh mirethei zawkte hmangaiha VIP a dah ngam tu sawrkar kan nei hi a lawmawm tak zet a, amaherawh chu NLUP dawngtu te hian tih tur pawimawh tak leh mawhphurhna sang tak erawh kan nei a, Pathian tihna nen a rinawm leh taima tak chunga a hman na tur dik taka hman ngei erawh kan hlen chhuah a ngai a ni a ti. Tun a dawngtu te hian kan hmang diklo a nih erawh chuan nakin zel ah kan tu leh fate tan leh keimahni ngei tan pawh hian tah na leh lungngaihna min thlen tu ah an chang thei a, in chhir in awm zia a nei tawh dawn lo a ni tih pawh kan hriat tel a tul dawn bawk a ni a ti bawk.

He hun ah hian Pu Zathangliana, Nodal Officer Lunglei District chuan kan sawrkar hian he Zoram chhunga miharsa zawkte hi chhungkua hlim tak chhungkua intodelh ni theuh tur leh michanhai zawkte hmangaih a lainat in kan tan NLUP min pe a, chuvang chuan he Policy hi a hlu hle a ni a ti bawk. Tin he ram hi kan hmangaih a kan tu leh fa hmangaih tu tan chuan he NLUP hi kan ti hlawhtling ngei ngei tur a ni a ti bawk. Lunglei atangin Line Department Officer Pu Birmingham, DSWCO leh Dr. Lalramhluna, Vety Department te chuan beneficiaries te tan a hriat tur tul te hrilh hriatna hun an hmang bawk.

Nimin a Soil & Water Conservation leh Vety Department hnuai a NLUP beneficiaries trade hrang hrang la tu te chu : Zobawng 16nos, Vawk 7nos leh Bawng lian chi 1no. ni in a vaiin beneficiaries mi 24 hneh ah Rs. 8,29,662 ni in, Soil Department a tang hian Hmunphiah chingtu tur mi 128 hnen ah Rs. 61,72,160 leh Coffee ching tu mi 31 hnen ah Rs. 12,67,900 an sem nghal bawk a ni.