3025/2022-2023
Dated Serchhip, the 13th December, 2022: Nimin ni 12.12.2022 khan Dy. Speaker leh Tuikum A/C Bialtu MLA Er. Lalrinawma'n Tlungvel a 1.6 MVA, 33/11KV Station a hawng.

Er. Lalrinawma chuan, Tlungvel Power Sub Station thar hawn theiha peih a ni ta chu lawmawm a tih thu sawiin, he hmasawnna duhawm tak kan neih theih nana ngaihtuahna leh tha thawhtu sawrkar leh P&E department-a thawkte, NGO's, VC, khawtlang mipuite chungah lawmthu a sawi a. Thawhhona tha tak an neih avangin vawiinah hetiang hlawhtlinna duhawm tak hi kan hmu thei ta a ni, a ti. Tuikum bial chhung khaw hrang hrangah hmasawmna tam tak a awm chho zel hi a hmuhnawm hle a, mipuite pawhin kan chhawr tangkai hle. Khuarel thilpek nilovah chuan Electric Current hi kan nunphung ah a pawimawh ber pawl a ni a, vawiina kan Sub Station thar pawh hi mipuiten kan tangkaipui hle dawn a ni. Power Supply kan hmuh ang angte a renchem lam thiama, daihzai taka hman thiam a tangkai em em a ni tih kan hre reng ang a. A enkawlna kawngah pawh fimkhur leh duat takin kan enkawl dawn nia tiin thawktute leh mipuite a chah a ni.

Sub Station hawnna inkhawmah hian Er. Laltlanthangi, Sr.EE, Construction Division, P & E Department chuan technical report tlangpui pein; 33kV Sub-station tlungvel thawhna sum hi Mizoram sawrkar in SEDP Fund Rs. 160 lakh a thawh turin ni 03.03.2020 khan a pawmpui a, thawh tan zui nghal a ni. Dt 26.03.2021 ah thawh zawh a ni.

Sub Station thar hawnna inkhawm hi Er. Lalbiaksanga, CE(Distribution) in kaihruaiin, Rev. Gospel Thanmawia'n hunserh a hmang a. Khawtlang aiawhin VCP Pu Lalhmunliana'n lawmthusawiin P&E Dept. aiawh in Er. C. Lallawmsanga SE, Transmission Circle in lawmthu sawina a nei a, official thahnem tak leh khawtlang mipuite nen hun hi hman a ni.