Higher & Technical Education Department chuan NIT chungchangah a hnuai a mi ang hian thuchhuah a siam.

Tualchhung chanchinbu thenkhatah NIT (National Institute of Tecnology) hmun tur chungchangah thudik tawk lo lo lang kha, hetiang hi thil awmdan a ni.

NIT hmun atan hian an duh dan ang tak chuan 300 acres a ni a. Chu chu Mizoram sawrkarin chak takin a zawng char char a. Thenzawl ramah te pawh va zawn niin Central sawrkar zawkin Lengpui ram a an duh avangin zawn a ni leh ta a. Ram zawn hna hi Land Revenue & Settlement Department in hah takin an thawk a. NIT norms ang a ram chu hmuh theih anih loh avanngin an hmuh theih ang chu siam felin 164.2 acres chu land lease no. DLL 58 of 2012 angin 4^th Oct, 2012 khan NIT hnenah urhsun tak a hlan a ni ta a.

Ram palai lengah a kip a kawi a teh ni ta lo chu IRCON International Ltd ten kumin June thla bul lama an han teh that leh chuan 140.16 acres a lo ni ta a hmuh a ni. Director, NIT, Mizoram chuan a ram duh belh thu 7^th July, 2014 khan Chief Secretary ah hriattirin, tunah hian Land Revenue & Settlement chuan he thu hi an en fel leh mek a ni.

NIT, Mizoram state atanga sawn chhuah tum hial ang a an rawn tarlan kha thu dik lo hulhual niin, Director, NIT, Mizoram bakah Mr. Pravin Prakash, Joint Secretary, Technical Education, Ministry of HRD pawh biak nghal niin chutiang sawn chhuah tumna chu a awm hauh lo tih an sawi a ni. Hetiang belh chian dawl lo hmang a sawrkar demna zawng an awm thin hi Mizoram sawrkar chuan pawi a ti em em a ni.