Higher & Technical Education Department chuan RUSA chungchangah a hmuai ami ang hian thuchhuah a siam.
Rashtriya Ucchatar Shiksha Abhiya (RUSA) project enkawl tur Consultancy Firm thlan dan chungchangah sawi neuh neuh lo awm hi mipui hriat a tarlan thain sawrkar chuan a hria a. Hetiang hi thil awmdan a ni:-
RUSA scheme hi November, 2013 khan Union Cabinet meeting in a approve a. Tunah hian Preparatory grant tih loh chu State Government in pawisa a la dawng lo.
He RUSA kaihruai tur hian State sawrkar chuan State Higher Educaiton Council a din a. Chutah chuan Minister, H&TE chu Chairman niin, he council hi RUSA hmalakna ah chuan thuneihtu sang ber a ni.
RUSA sum leh project kalpui dan tur guidelines hi Government of India in a la siamchhuak lova, reilote a a chhuah beisei a ni.
Hetih lai hian State Higher Education Council in hma a lak duh ve project hrang hrang te a lo thlan tawh kaltlang pui turin Consultancy Firm a thlan a ngai a. State Higher Education Council pawmpuina in Commissioner & Secretary, H&TE Chairman na hnuaiah Law & Judicial leh Finance department aiawh te telin ‘angle’ hrang hrang thlir a thlan a ni.
RMSA hnuaia civil works te hi chu a amount a zirin tender koh a ni a. Chung te chu State Mission Director/Secretary, Education hova thlan thin a ni. Chu chu guidelines in a sawi a ni a.
RUSA hnuaia project enkawl tur Consultancy Firm thlan thuah hian Mizoram sawrkar in notification a siam te hi hman tur anih leh nih loh thuah State Higher Education Council chu thutawp siamtu a ni.
