3554/2023-2024

Aizawl the 30th January 2024: Vawiin hian Indian Council of Agricultural Research-Central Institute of Fisheries Technology (ICAR-CIFT), Visakhapatnam Research Centre te chuan training thupui pahnih (2)

1.Responsible Inland Fishing through Sustainable Fish Harvesting Practices, leh

2.Value Addition and Hygienic Handling of Fish for Increasing Domestic Fish Consumption and Promoting Small Scale Entrepreneurship in Mizoram tih thupui hmang hian Mizoram State Sangha khawi tu ten hmasawnna an neih theih nan ni thum awh training ni 30.1.2024 atanga ni 1.2.2024 thleng training an rawn nei ang.

Training hawnna hun hi Directorate of Fisheries conference hallah hman niin Fisheries Minister Pu Lalthansanga chu khuallian niin a hmanpui a ni.

Khuallian chuan thusawiin Sum tam tak seng a training kal ngai loin kan ramah ngei training hlu tak mi thiam tak tak ten min rawn buatsaih sak thei hi a hlu in, an thiamna te lo hmang tangkai thiama kawng khat tala hma kan sawn belha kan intodelh theih na tur in training kal te a fuih a, Minister hian Training Manual pahnih a tlangzarh bawk ani.

Fisheries Department Secretary Pu C Lalzahngoa, khualzahawm pawhin thuchah sawiin kanramin Sangha tharchhuah lamah hma kan sawn leh zual na tura kan State ah ICAR-CIFT mithiam ten training an lo pe hi lawmawm a ti a, Training hlawk taka hmang theuh turin Mipui kal te a fuih a ni.

ICAR-CIFT atangin Dr Raghu Prakash, Principal Scientist chuan Training pahnih te thupui tlangpui sawifiahna hun hmangin -Sangha seng dan, Sangha eitur tuihnai taka sawngbawl dan, Pakaging, Thianghlim taka sawngbawl dan leh Sangha leh kan ei duhlo lai tangkai zawka hman dan te a sawifiah a chu bakah Sangha atang eitur tuihnai leh thianghlim taka sawngbawl dan Dr Jesmi Debbarma Sr.Scientist leh Mr. Bhuneshwar, Senior Technical Officer, ICAR-CIFT ten an zirtir ang.

Training a hian Aizawl ,Mamit leh Kolasib atangin mi 50 an lo kal a Pi Laltleipuii, Joint Director Department of Fisheries in vote of thanks in training hawnna Programme hi a khar ani.