3555/2023-2024

Aizawl the 30th January, 2024 : Vawiin ni 30.1.2024 chawhma dar 10 khan NTP ANNUAL REVIEW MEETING chu Conference Hall, DHS Old Building ah neih a ni.

Nikum chhung TB vei mi 2262 hmuhchhuah an ni a. TB vangin mi 108 an thi.

Vawin khan National TB Elimination Programme chuan DHS conference hall Dinthar ah Annual Review Meeting an nei a. He hun hi Dr. Eric Zomawia Mission Director NHM in a hmanpuiin, Dr. Febiola Kharkongor State TB Officer in a kaihruai a ni.

Dr. Eric Zomawia chuan kum 2025 a TB umbo tura hmalak mekna chu tan a ngai hle tih sawiin thawktute chu phurna thar nena thawk turin a chah a ni. TB chungchang inzirtirna chu nasa leh zual zawka thehdarh zel turin thawktute chu a ngen bawk a ni. He hunah hian district TB officer te leh staff te an tel a ni.

Tarlan danin nikum chhung khan TB rinhlelh mi 17432 exam an ni a. TB vei mi 2272 hmuhchhuah an ni.

Nikum chhunga district tina TB hmuhchhuah dan.

1. Aizawl - 1600
2. Champhai - 102
3. Kolasib - 140
4. Lawngtlai - 88
5. Lunglei - 142
6. Mamit - 27
7. Siaha - 120
8. Serchhip - 53

TB vanga thi hi mi 108 an ni a. Aizawl district chhungah TB vanga thi hi tam berin mi 70 an thi a ni.

Multi Drug Resistant TB (MDR-TB) vei hi mi 164 hmuhchhuah an ni a.

TB vei hmuhchhuah zingah hian 5% te chu zunthlum an ni tih hriat a ni a. 32% chu vaihlo kaihnawih ti an ni.

TB tihdam zat hi 86 % a ni.

Review meeting ah hian TB Free village ni thei tura hmalak meknaah mi 1000 ah mi 30 zel test an ngaih avangin district leh Health and Wellness Centre thlengin target test tlin a nih theih nan hma la theuh turin tih a ni. TB Free village ni theite hi kumtin World TB Day ah chawimawina hlan an ni thin dawn a ni.

TB vei zawn chhuah hna Active Case Finding chu district hrang hrangah nasa leh zual kalpui tura tih a ni a. Hetah hian TB kai theihna nei sang leh vei awlsamna hmun te target uar bik an ni. Heng zingah hian HIV hrik pai, zunthlum nei, vaihlo kaihhnawih ti, zu in mi leh nau pai mek te, chaw tha hmu tlem te, tin refugee camp te, Jail, Home leh hmun kilkhawr leh tlawhpawh harsatna hmuna chengte zingah TB endikna hi nasa leh zuala kalpui tur a ni.

National TB Elimination Programme, National Health Mission.

Jason Lalrinsanga
Media In-charge
7640064154