Nimin 7th October, 2015 khan Niti Aayog chuan India rama hmasawnna hna kalpui zel dan turah State Planning Secretary te ngaihdan lakkhawmna meeting a buatsaih. He Meeting Mizoram aiawh a kal Dr. C. Vanlalramsanga , Planning Secretary, chuan India rama hmasawnna chak taka kalpui anih theih nan cooperative federalism awmze neiin central sawrkar in a kalpui a ngai tih thu leh Mizoram mamawh leh harsatna bik chi hrang hrang a thlen. Planning Secretary hi Dr. Lalrinchhana, Senior Research Officer, Planning in a tawiawm a ni.

Planning Secretary, Dr C. Vanlalramsanga chuan cooperative federalism awmze neia kalpui tur chuan State Sawrkarin development priorities thlan thuah te, development schemes / programmes / projects ruahman thuah leh funding patterns ruahman thuah thutlukna siamtu a nih a tul thu a sawi a. NITI Aayog din anih taka hian State Planning Machinery pawimawhna a zual ta a, Planning Department tihchangtlun a ngaih thu leh chumi atan chuan NITI Aayog in ruahmanna a siam ngei a tul thu rawtna a thlen bawk.

Hei bakah hian Central Sponsored Schemes a State Matching Share pek ngai thin hi ownership siam nan a tih hi tha lo a tih thu thlenin, ownership dik siam tur chuan projects design leh implementation ah State Sawrkar in ownership a neih a tul zawk thu a sawi. CSS kal mekah State Matching Share 90:10 aia sanga a bikin NE States te tan phut loh nise tiin rawtna a thlen bawk. Planning Secretary chuan central planning mechanism lo inthlak avangin State ten fiscal space an mamawh thu a sawi a, ITI Aayog a Rs 20,000 crore awm chu State tinah inang vekin untied fund anga kumin chhung ngei a pe chhuak turin rawtna a thlen bawk. Planning Secretary hian Mizoram in a opportunity leh comparative advantage a neihna thenkhat Social Sector, Skill Development, Tourism, Agro-based industry etc. tihchangtlunna lamah leh Look/Act East Policy awmze nei zawka kalpui a pawimawh thu a sawichhuak bawk.

NITI Aayog chuan State officials te nena Development hna atana ngaihpawimawh hmasak tur duan thuah inrawnkhawmna an buatsaih fo tur thu an tarlang a ni.