Vawiin chawhma dar 11:00 khan Hausiampa Hall Haulawng-ah LAD Minister Pu Pc. Lalthanliana’n Haulawng leh a chhehvel khua te hnenah NLUP 2nd Phase 2nd Installment chhungkua 516 te hnenah a sem.

Minister chuan thu sawiin NLUP hi sawiselna karah sawrkarin Zoram dung leh vang ah a sem mek zel a, tunah chuan a rah tha takin a lang tan ta a ni, a ti. Sawrkar in a duh chu kuthna thawktu ten leirem an rah ve theih a, an in tundin theih nan NLUP hi hlawhtlinpui ula tih a ni. Zoram pum huap in NLUP hmangtha chawimawina ka bial chhung mi ngei mai in alo dawng thei te hi a lawmawm hle a, a kum leh zelah pawh lawmman dawng pha khua ni theuh thei turin a chah bawk. NLUP kan dawn hi vawiin a tan nilo, hmathlir thui tak nei a, rinawmna, taihmakna leh tih takzet na thinlung pu chunga tihlawhtling theuh turin kalkhawm te a chah. NLUP hi a sem tu te chuan an tih tur an ti zotawh a, a hlawhtlin leh dinchhuahpui erawh chu a dawngtu te kut ah a in nghah thu a sawi bawk.

Inkhawm hi Pu R.Lalrinmawia, President, Village Council, Haulawng in kaihruaiin Pu, Zathangliana, Dist. NLUP Co-Ordinator Lunglei in NLUP kalpui dan chung chang a sawi bawk.