Vawiin chawhma dar 11:30 khan Ramhlun North Community Hall-ah NLUP a Agarbati Stick siam thlangtute harsatna neih chungchang ngaihthlakna leh sawiho na neih a ni.

He hunah hian Pu P.L. Thanga, Vice Chairman NLUP Imlpementing Board hovin, NIB Official leh Industry Department hotute bakah NLUP Nodal Department Agriculture Secretary Pu T.V. Fambawl te telin Agarbati Stick siamna dawngtu tamtak an tel a ni.

Pu P.L Thanga chuan Agarbati Stick siam thlangtute khawl dawnah leh Mau supply ah fuh tawklo awm ang ang te chinfel dan sorkar in a ngaihtuah mek dan leh Chief Minister hnenah engkim sawipui anih tawh thu leh Chief Minister pawhin an hlawk zawkna tur ngaihtuah rang tura a duh thu a lo hrilh dante report a pe. Khawl tha Electric hmang chi chah mek anih thu leh he khawl dahna tur hmun zau a ngaih dawn avanga Industry Department hotute nen indawr a, Sairang Bamboo Technology Park hmun a In sak an tum dante Pu P.L. Thanga chuan a hrilh fiah bawk.

Pu T.V. Fambawl chuan India ramah kumtin Agarbati hralh man cheng vaibelchhe 4,000 hmuh anih thu leh Mizoramin chumi siamna chi mau a nei chu vanneih thlak a tih thu sawiin, State dang neih ve loh NLUP kan sorkarin a siam thei hi mipui hian lawmna chang hriat a tul thu a sawi tel bawk a ni.

NLUP a Agarbati Stick siam thlangtute harsatna leh chingfel dante rel ho a ni a, in khawm hi Pu J. Hmingthanmawia, Additional D.C Aizawl District, NLUP Monitoring Secretary ni bawk chuan a kaihruai a ni.

Attachment

  • Loading attachment...