Vawiin chawhnu dar 12:30 khan AH&Vety Conference Hall-ah Aizawl West-III NLUP 2nd Phase Ar vulh thlangtu 60 hnenah ar note 150 theuh semna hun hawnna neih a ni a, Pu JH Rothuama, Chairman, NLUP Implementing Board (NIB) chuan Chief Guest niin a hmanpui.
Semna inkhawm hi Dr. Lalbiakmawia Sailo, Director, AH&VETY chuan a kaihruai a, ar note tha chi Siby Farm, Aizawl in semtura an supply chu uluk taka enkawl turin kalkhawmte chu a chah.
Khuallian Pu JH Rothuama chuan NIB Chairman anih hnuah, NLUP hmalakna Mamit leh Kolasib District khaw thenkhatah a enkual thu leh ramhnuaiah an hnathawh dan te a thlir thu sawiin, he District pahnih ah hian NLUP tanpuina dawngtuten theihtawp an chhuaha an hlawhtlinna a hmuh a a lawm thu sawiin, vawiina lokal te pawhin rinawmna leh taimakna nen in thawh chuan eizawnna puitling an nei thuai dawn a ni tih a sawi.
“In tu leh faten, kan nu leh pa, pi leh pute khan NLUP dawng si in an lo ti tha lova, vawiin thlengin keini chuan eizawnna mumal kan nei thei ve lo, tiin taima leh thawktha te awt ngawih ngawih a an dem tur che u pumpelh turin, rinawmna leh taimakna nen sorkarin a thlawna a pek che u hi hmang tangkai ngei ang che u” tiin NLUP tanpuina dawngtute chu a fuih a ni.
Dr. Hmarkunga, Aizawl District AH&Vety Officer chuan report a pe a, Dr. Daniel Chianghnuna, Vety Department NLUP Nodal Officer chuan training tawi pe in, Ar note hi sem a ni.
