Vawiin khan District Level NLUP Monitoring Committee Chairman Lt. Col. Z.S. Zuala, MLA leh Member Secretary J. Hmingthanmawia, Addl. DC hoin line department officer-te nen Sihphir leh Sihphir Vengthar NLUP beneficiaries 1st installment dawng tawh zawng zawng te kohkhawm an ni a. An hnathawh dan leh an pawisa dawn atanga an hmalakna te a hmun ngeiah (spot verification) endikna neih a ni.

He hunah hian Chairman Lt. Col. Z.S. Zuala chuan NLUP tanpuina dawngtute chu sawrkar atanga tanpuina an dawn, a hmanna tur dik taka hmang tur leh hlawhtlin pui tum ngei turin a chah a. Sihphir khaw mipuite chu khaw taima an nih angin NLUP-a an hmalakna pawh khawdang entawn tlaka thawk turin a chah bawk.