NLUP dawngtute zirchianna tur a duan 'NLUP Beneficiary Impact Analysis' chungchanga hmalak dan tur vawiin khan DC Conference Hall, Mamit-ah Pu H.Lianzela, Nodal Officer,NLUP & Addl.DC hovin Line Department ten sawihona an nei.

Pu H.Lianzela chuan pilot project angin Fisheries Department,Mamit ten 'NLUP Beneficiary Impact Analysis' hlawhtlin taka an lokal pui tawh thu sawiin, DC office leh Fisheries Dept. ten tangkawpin hma an lak thu a sawi a. Line Department dang te pawh hnathawh dan tur a rang lama duanga, June ni 10 hmaa DC office a thehlut hman turin a ngen a ni.

NLUP Benficiary Impact Analysis hi NLUP hnuaia hmalakna hlawhtlinna,hmasawn ngaihna lai leh nghawng a neih dan te zirchianna atana duan a ni a. Form te hi Enterprise Class Software PMO Office, NIB atanga print leh semchhuah a ni a, form tinte hian NLUP dawngtute chhinchhiahna number nei theuhin Mobile scanner application(QR code) hmanga endik leh vek theih a ni ang. He zirchianna hnuaiah hian NLUP dawngtuten engtiangin nge hma an sawn a,an thlatin sum lakluh dan te zir chian a ni dawn a ni.

Tun dinhmunah Mamit District-ah NLUP dawng mu 11334 an awm mek a ni.