Vawiin khan Pu R.Selthuama, Chairman, NLUP Implementing Board hovin NLUP Line Department-a Nodal Officers te chuan NLUP beneficiaries te hmalak dan a hmuna enfiahna an nei a. Aizawl West – III leh Aizawl North – II huam chhunga veng thenkhat a NLUP hmalakna te uluk tak a endik a ni. Heng veng an tlawhna ah te hian Local Council Member te leh NLUP Village Level Monitoring Committee member ten an tawiawm a ni.

Hetiang bawk hian Aizawl veng hrang hrang leh Mizoram a khaw hrang hrang a NLUP hmalakna leh kalpui dan te enchhoh zel tum a ni a, NLUP beneficiaries ten an trade thlan chungchang a harsatna an neih te sawifiahna leh a hmun ngei a enfiah a siamrem ngai te siam rem nghal zel tum a ni.

Field visit programme hi karleh ni 8/9/2011 leh ni 9/9/2011 hian Chief Minister bial Thenzawl leh a chhehvel khua te ah neih leh tum a ni a. NLUP Implementing Board leh NLUP Line Department Directorate-a Officials te hian District hrang hrang a khua te a tam thei ang ber tlawh chhuah an tum a ni.