NLUP Implementing Board chu Chairman Pu R.Selthuama hovin vawiin chhun khan Secretariat Conference Hall, New Secretariat Complex, Khatla ah an thukhawm a, NLUP kalpui mek dan leh dinhmun te, line department hrang hrangte hmalak dan leh sum hman dan leh mamawh te an thlir ho. Tun thlenga Line Department ten NLUP tanpuina an pek tawh zat (Beneficiaries) chu hetiang hi a ni :-

1st & 2nd Instalment atana tanpuina sum pek chhuah tawh zawng zawng chu Rs. 1,57,23,74,000 /- a ni.

 Implementing Board Meeting ah hian District tina Deputy Commissioner te hnenah NLUP 2nd Phase atana Beneficiary leh Trade thlan tur te chu November, 2011 chhung NLUP Implementing Board ah thehlut tura hriattir an nih thu report a ni a. Kum 2010-2011 chhunga NLUP kalpui dante thlirletin Department ten an kalpui mek danah harsatna an tawhte sutkian dan tur leh her rem ngai leh siamthat ngai lai te chu a remchan angin bawhzui chhoh ni se tiin an rel. Meeting ah hian 2nd Phase atana Department hrang hrang hnuaia Beneficiary awm zat tur (Sectoral Allocation) te, khawpui bika Trade siamrem chungchang te, Monitoring thawh chhoh mek dan te an sawi ho a, thahnemngaihna avanga mipui leh beneficiary lam atanga sawiselna leh rawtna awm thinte sawichhuakin a remchan anga bawhzui chhoh ni se an ti. Mizoram puma District hrang hranga NLUP thawh chhohna leh monitoring hna thawh nana Deputy Commissioner leh Line Department te tana sum hman tur Contingency Fund ruahmanna leh Hmunphiah leh Agarbati sawngbawlna leh hralhchhuahna chungchang te an rel bawk. Department hrang hrang atangin an hmalak dan leh dinhmun te report ngaihthlak a ni a, vawiina an thurel te chu NLUP Apex Board ah thlen ni se an ti.