NLUP input siam that ngai laite en ho turin vawiin khan Input Purchase Board Chairman Pi L.Tochhong, Chief Secretary hovin line department 4 - Horticulture, AH&Vety, Soil & Water Conservation leh Fishery department te an thukhawm.

He meeting-ah hian NLUP Implementing Board (NIB) Vice Chairman Pu P.L.Thanga’n NLUP Phase I kalpui tawh atanga kalphung siam that ngai lai te, line dpartment te nen inbe rawna siam that dan tur ruahmanna an siamte a tarlang a. Horticulture thlai chi indaihlohna chungchangah Horticulture department registered nursery a thlai chi awm zat enfiah zawh hnu ah indaihlohna phuhruk nan a chi tha, department in pawmtlak a a ngaihte tender hmanga supply system kalpui ni se, tih a ni a. Thlai chi lei leh supply chungchang ah a bul atanga a tawp thlenga monitor theih tura thil kalpui turin ruahmanna siam ni se, tiin an rel a ni.

Vawkte indaihlohna chungchangah piglet Multiplication Centre awm sa bakah district hrang hrang a PMC thar eng emaw zat rintlaka ngaihte hmanga vawkte intodelhna tura hma lak ni se,, tuna indaihlohna phuhruk nan tender hmanga vawkte lei leh supply ni se, tih a ni a. Ar note mamawh zat hmu turin private farm nen PPP mode a kal tura AH&Vety department in rawtna a neih chu Purchase Board chuan tha a ti a. Hemi baka indaihlohna chu a hrana la ngaihtuah turin dah a ni a. NLUP Phase III a ran vulh tur zingah Kel telh turin central sorkar Planning Commission phalna lak tum a ni bawk.

Rubber chi tha leh rintlak ching turin Tripura-a Latex Company Private Ltd.atangin rubber budded stumps leh Tripura a approved nursery hrang hrang atanga rubber sapling la tura Soil & Water Conservation department in rawtna a siam chu Input Purchase Board chuan tha an ti a. Hei bakah hian department rubber nursery neih sa te ti changtlung a, a thar 4 siam rawtna pawh purchase Board chuan a pawmpui bawk a ni.

Fishery department hnuaia fish seed farm te an function mumal loh avangin sangha chi leh a chaw leh thil dangte supply hmanga pekna turin ruahmanna siam a ni bawk