Mizoram sorkar Annual Plan ah  NLUP hnuaia Agriculture & Allied Sector hna thawh na tur sum a lo pun tak avangin Planning Commission chuan kumin 2012-2013 chhunga Rashtriya Krishi Vikas Yojana(RKVY) project atan cheng vaibelchhe 148 lai Mizoram sorkar a pek tawh chu normal programme kalpui nan vaibelchhe 159.54 ah a rawn tipung a. Hei hi 100% grant niin 1st Installment vaibelchhe 19.94 chu a rawn pe chhuak tawh nghe nghe a. Hei vang hian Mizoram Annual Plan sum vaibelchhe 2300 chu vaibelchhe 11 laiin a pun belh a ni.

Vawiin khan Pu P.L.Thanga, Member Secretary, State Planning Board hovin Sinlung Hills Development Council (SHDC)Area chhunga RKVY project kalpui dan tur hi a office chamber-ah sawiho a ni a. Hetah hian Agriculture leh Soil & Water Conservation Director te bakah Principal Advisor State Planning Board, Chairman SHDC, OSD NLUP leh officer eng emaw zat an tel a. SHDC Chairman duh dan angin khaw 16 ah RKVY hi kumin ah tan ni se tih rel a ni a. Project siam turin Agriculture, Horticulture leh Soil & Water Conservation department te chu a bul tum tura ruat an ni a. Kumin chhunga project siam nan minimum target sorkarin a lo ruahman dung zuiin Agriculture leh Horticulture ah vaibelchhe 1 aia tlem lo ve ve, Soil & Water Conservation ah nuai 50 aia tlemlo siam ni se,  potential area dung zuiin vaibelchhe 2 aia tlem lo siam ni se, tiin an rel a ni.

RKVY normal Plan hnuaia hmarchhak state ten kumin atana sum an chan dan hetiang hi a ni: