Vawiin khan Champhai DVO Office tualah AH & Vety trade hnuaia NLUP Vawk vulh thlangtu chhungkua 256 hnenah (3rd phase, last instalment) Vawk vulhna hmanrua sem a ni.

Champhai DVO Pu Lalchungnunga Pudaite hnen atanga thu dawn danin Champhai District chhung AH & Vety hnuaia NLUP Vawk vulh thlangtu chhungkua 781 hnenah hamthatna an dawn tur ang sem zawhfel a niin, Champhai khawpui chhunga entawn tlaka Vawkvulh tur (Model) thlan bik chhungkaw 256 te hnenah vawiin khan vawk vulhna hmanrua : Allumium Dekchi lian 1, Alluminium Bucket 3 lehNopui 1 theuh pek chhhuah a ni.

DVO Pu Lalchungnunga Pudaite chuan Vawk vulh thlangtu chhungkaw 781 hnenah Vawk In 6 x 12 sakna chak te, Vawk Note 6 theuh, Vawk damdawi leina tur Rs 3,000.00 theuh, Vawk chaw Rs 10,000.00 man Quintal 5 theuh leh vawiin a sem tak vawkvulhna hmanrua te pek chhuah anih thu sawiin, First instalment ah Vawk leh vawk in sakna Rs 35,000.00 pek tawh anih thu sawiin Vawk vulh thlangtu te hnenah Rs 1,00,000.00 theuh pek chhuah anih thu a sawi bawk.

Champhai District chhunga NLUP Vawk vulh thlangtu chhungkaw tlem azawng hmala tha tawk lo an awm thu sawiin, heng hamthatna dawngtu chhungkua te hi uluk taka enfiah leh vil reng an nih thu DVO chuan a sawi. AH & Vety Department hian nimin khan Champhai North leh Tuichang A/c a Beneficiaries 158 hnenah vawkvulhna hmanruate hi Khawzawl leh Khawhaiah an sem tawh bawk a ni.