Coordination Committee on Traffic Management November ni 14-a thukhawmin a lo rawt tawh angin kumin Krismas leh kumthar vuak vetah Aizawl Zodin Square leh Hrangbana College inkar kawngpui hi December ni 21,22 leh 31-ah te No Vehicle Zone a siam a ni leh dawn a. Hemi chungchang ngaihtuah hian Transport Minister Pu PC Zoram Sangliana hovin a office chamber-ah mi pawimawh te an thukhawm.

Meeting hian No Vehicle Zone neih leh ngei chu tha tiin No Vehicle Zone huam chhungah mipui kal vel tibuai thei reng reng trolley leh BMX khalh te, concert buatsaih leh football khelh ang chi te khap a rel a. Public Parking atan Government High School ground dil nise; Parking hmun dang chu Local Council leh SP Traffic lamin rem lo ruat se tih leh damlo hospital a lut leh chhuak chung chang chu Medical Superintendent, ZTDA, SP Traffic leh Local Council hotute nen rem ruat nise tiin an rel.

Meeting-ah hian No Vehicle Zone siamna tur huam chhung AMC Councillor, Local Council President leh Secretary te bakah Aizawl City Bus Owners Association aiawh, Zoram Taxi Drivers Association aiawh te leh sorkar mi pawimawh thenkhat te an tel a ni.