3155/2023-2024
Hnahthial the 21st December 2023: Hnahthial District Superintendent of Police (SP) chuan December ni 23 hian Christmas Bazar tur mipuite an him zawk nan leh chetvel a awmsam zawk nan ‘no vehicle zone’ hman tur chungchangah a hnuai ang hian thu a chhuah.
NOTIFICATION
Deputy Commissioner, Hnahthial District Hnahthial hova Hnahthial District Christmas-2023 leh New Year-2024 festivities meeting minutes thurel point no-2 angin leh Christmas bazar tur mipuite an lo him a, chetvel a awlsam zawk theihna turin Gov't of Mizoram Notification No.B.12021/10/04-TRP Dt.22.8.2008 in Section 1158117 of Motor vehicle Act 1988(Act No.59 of 1988) in lirthei tlandan tur leh dahna(Park) tur siam thei tura thuneihna min pek angin khawtlanga thuneitute be rawn chungin a hnuai a tarlan ang hian No Vehicle Zone chu Dt.23.12.2023 zing dar 7:00 am - 4:00 pm chhung a hman turin thupek ka chhuah a. He mi hun chhung atana hman turin a hnuaia a mi ang hian lirthei khuahkhirhna pawh siam a ni.
1.NO VEHICLE ZONE:- Hmarchhak lamah Pu Sangchungnunga building, tlak lamah Dr
C.Sanghluna Building, chhim lamah Traffic point leh chhimchhak lamah BCM Bookroom inkar Bazar area-ah hian eng motor man Dt.23th
December 2023 zing dar 7:00AM-4:00PM inkarah dah(park) leh tlan tlang theih a ni lovang.
2.LIRTHEI LMV LEH A HNUAI LAM DAH (PARK)NA TUR HMUN: HBSC Ground No-I-ah Atta lane atanga lutin a park thei ang. An chhuah leh dawn chuan Pu Lalzika kawtah an chhuak thla ang.
3.DROPPING ZONE.
(a) Hmar lamah
(i) Atta lane Pu Sangchungnunga building bul.
(ii)HBSC Ground panna step atanga chhimlamah tui pump point bul.
(b) Chhim lamah Peniel biakin lane peng Pu Lalramnghaka building bul Pu Zakama dawr chhak.
(c) Chhimchhak lamah BCM Bookroom bul zau laiah.
4.LIRTHEI TLANDAN TUR:-
(1) Hmarlam atanga
(a)Lirthei a Bazar kal tur te chu a chunga point No 3(a)(ii) ah in drop in Electric veng lamah an let leh thei ang, emaw Atta lane-ah lo kal in Pu Sangchungnunga building kawtah in drop in, bazar building hrulah chhukin Pu Lalzika kawtah chhuak in Electric veng lamah an let leh thei ang.
(b)Bazar tur ni lemlo te chu a route pangngaiah Dr Sanghlunaa building kaltlangin an kal thei ang.
(ii) Chhimlama atanga Lirthei lokal te chu achunga point No4(i)(b) ang khian an tlan thei ang.
(ii) Chhim chhak lam atanga Bazar lam pana lirthei lo kal te chu
BCM Bookroom kawtah in drop in an lo kalna lam ah a let ieh ang.
(iv) One way:- Hmarlam atanga lirthei te Pu Lalzika in bul atanga
Bazar lam a luh chhoh hi hemi hun chhung hian phal anilo ang.
(v) Both Way: Hnahthial Bazar (market) area PWD road
kawngpuiah hian khawi zawng pawhin lirthei an tlan thei ang.
5. TAXI/AUTO STAND:-
HBSC Pavilion hnuaiah Taxi leh Auto te a ding anga, a inkarthlak in emaw an mahni duhdan in emaw a ding anga, an dinna chin tur hi Traffic Police te nen rem an ruat ang.
