3624/2024-2025

2024 Pawltlak thla ni 19: Vawiin khan Lunglei District Superintendent of Police Pu J. Lalmuankima chuan The Motor Vehicles Act, 1988 Section 115 leh Government of Mizoram Notification No.B.12012/10/2004-TRF Dt.01.06.2020 tlawh chhan leh 2nd Special Board of Councillors meeting, LMC Memo No.F.20011/1/23-I.MC(Estt) DL 17.12.2024 angin kumin Krismas bazarah mipui vantlang Ieh lirthei khalhtute an lo him tlan zawk nan leh harsatna a thlen loh nan a hnuaia mi ang hian 'No Vehicle Zone' hmun siam a ni tih hriattirna a chhuah.

"1. SP Office peng-Super Market-Agriculture Complex kawng 6:00AM - 6:00PM: Mipuiin awlsam taka an pan theihna turin he lai inkar kawng hi Christmas Bazar atan ruahman a ni a, ni 19.12.2024 - 31.12.2024 chhung chauh Christmas Bazar a siam theih ang.

"2. No Vehicle Zone: Christmas Bazar-na hmun, SP Office peng-Super Market-Agriculture Complex kawng hi mipui him zawk nan Dt.20.12.2024 - 31.12.2024 chhung chu 'No Vehicle Zone'-a puan a ni a, amaherawhchu, December ni 22, 25, 26, 29 bik hi 'No Vehicle Zone' a awm lo ang.

"3. Bazar Seat: Christmas Bazar siamna hmunah hian kawng tawn tawnin inpho phal a ni lo a, side khat chauhah inpho phal a ni. Bazar seat sak hian kawng a tihchep ṭhin bakah, mipui veivahna tur a awm tlem phah a, chumi avang chuan seat sak hi phal loh a ni.

"4. Khuarel chhiatna: Vanduaina emaw, khuarel chhiatna thleng thei a ni a, chuti ang a lo thlen palh pawha awlsam taka lirthei a kal theihna turin kawng zuah tur.

"5. Auto Rickshaw Stand: Christmas Bazar siamna hmunah hian eng lirthei mah din emaw, dah phal a ni lo a, a chhunga Auto Rickshaw ding ṭhinte pawh 'No Vehicle Zone' chhungah chuan an din a rem lo a, hemi hun chhung hi chuan Civil Hospital thlang Auto Rickshaw Stand leh Venglai Auto Rickshaw Stand an fin ang.

"6. Market sakna bungrua: Christmas Bazar siam hun chhung hi chuan market satute'n zan lamah an mamawh tui, in sakna bungrua leh thil dang inchhek khawl se, bazar hun chhungin laklawh thilah luh an ngai a nih chuan Traffic Police te'n an ruahmanpui ang.

"7. Inpho phal lohna: District Agriculture Officer quarter hrula inpho a rem dawn lo va, Auto Rickshaw Stand chinah ruahmansak tur a ni.

"8. 'No Vehicle Zone' huam chhunga lirthei neite: No Vehicle Zone huam chhunga lirthei neite chu Government Leitlangpui Higher Secondary School lamah an chhuk ang a, a bak siam rem ngai a awm a nih chuan Traffic Police-te'n thil thlen dan azirin a hmunah ruahmanna an siam ang.

"He thupek leh hriattirna hi lirthei khalhtute'n zawm vek turin kan inngen a, 'No Vehicle Zone'-a lirthei dan bawhchhhia chu dan anga an chunga hma lak a ni ang. Amaherawhchu, harsatna emaw, buaina a lo thlen palha lo buaipuitu tur dan leh thupek kengkawhtu Police, Magistrate, Quick Response Team, Fire & Emergency Service, Medical Duty, Excise and Narcotics Department leh ṭul bik thila phalna pekte a huam lo vang."