“August 2, 2018 hian MYC Centre, Aizawl-ah India ram pawna lehkhazir duh leh hnathawk duhte tan IELTS Examination buatsaih nghal a niang.” Joseph Lalhimpuia, Chairman, MYC

Mizoram Youth Commission (MYC) Chairman Pu Joseph Lalhimpuia thahnemngaihna leh hmalaknain British Council palai Raj Tiwari, Manager, Exams Bussiness Development, British Council, East India chu MYC-in Mizoramah a ko chhuaka, ni 30.5.2018 khan British Council palai leh Mizoram Youth Commission te’n an Chairman Pu Mahima hovin meeting an nei a, Mizoram Youth Commission chu Mizoram tan British Council hnuaia International English Language Testing System (IELTS) Examination Centre atan inremna neih a ni a; hei hi North East India-ah IELTS Examination Centre pangngai hmasa ber a ni dawn bawk.

Pu Mahima chuan IELTS Examination Centre atan British Council nen an indawrfel dan chungchang sawiin, “Mizoram Youth Commission chuan, ‘Thalai te khawvel zauh ang aw, ’tih thupui pakhata nei a au hla kan chher ang takin, Mizoram thalaite zinga India ram pawna lehkhazir duh leh hnathawk duhte tan a thiltul leh pawimawh hmasa, IELTS Examination hi kan tualchhung Mizoramah ngei Exam Centre nghet neih a ngai kan ti a; chumi atan a MYC-in hma kanlakna a lo hlawhtling chho thei ta hi a lawmawm ka ti a, ‘August 2, 2018 hian MYC Centre, Aizawl-ah India ram pawna lehkhazir duh leh hnathawk duhte tan IELTS Examination buatsaih nghal a ni ang,” ati.

MYC Centre, Aizawla IELTS Examination hmachhawntur hian MYC chuan mi 85 lai IELTS Coaching Class kalpuilai a nei nghe nghe a; heng mite chauhni lo, mahnia exam inhuamte tan pawh IELTS MYC Coaching Class kalpuina leh Mizoram tana Examination Registration Portal tihtheihna awmchhun Spotlight Coaching Academy, Saron Veng, Aizawlah August 2, 2018-a IELTS exam hmachhawn duhte chu registration tihnghal theih a ni tawh a.English tawng hmanna ramah hnathawh nan leh lehkhazir chhunzawm nan IELTS pal tlang hi a ngai a, USA, UK, Australia, Canada, New Zealand, Germany leh khawvel ram hrang hrang ram 140 chuangin an pawm a; khawvel ram hrang hranga University 10000 leh School leh College 3500 chuangin an pawm bawk a ni.