Arunachal Pradesh sawrkar chuan Film Federation of Arunachal Pradesh nen tangrualin thlaleh February, 17,18,19 leh 20, 2016 chhung khian Film Festival ropui tak Film North East 2016, Itanagar-ah a buatsaih dawn a. Heta tel tur hian Mizoram sawrkar a film Nodal Department, Information & Public Relations pawh sawm a ni.

Film chhuah (Screen) tura tel duh Mizoram Film Maker te chuan an film siam, feature film, first cut (debut), short film leh documentary te english sub-title nen Information & Public Relations Department ah January 18, 2016 thleng office hun chhungin thehluh theih a ni a, DVD, Film Director biodata leh film synopsis (100 words) nena thehluh tur a ni. Hrechiang duh tan Phone No.9436158348 - ah zawhfiah theih a ni.