February ni 20-24, 2012 chhunga Mizoramin a thlen tur XXVI North East Games 2012 atan Mizoram sorkar chuan a tul ang ang inpuahchana a kalpui mek a. NE Games hawnna inkhawm leh a kharna inkhawm te chu a ropui thei ang berin Aizawl Sipai Lammual hmunah neih tum a ni a. Mizoram Governor Pu Vakkom Purosothaman chuan Games a hawng ang a, Chief Minister Pu Lal Thanhawla’n February ni 24 chawhnuah Games khar tura beisei a ni bawk.

XXVI NE Games-ah hian hmarchhak state 8 atangin infiammi rawn kal vek tura beisei an ni a. Sports Discipline 11 - Athletics, Badminton, Football, Judo, Weightlifting, Table Tennis, Boxing, Wrestling, Volleyball, Taekwondo leh Hockey - ah te an inel dawn a ni. Heng bakah hian Over-all Champion leh Runners’ Up Trophy te pawh buatsaih a ni bawk ang.