4647/2024-2025

Aizawl, the 14th March, 2025: North East Youth Festival -2025 chu Sikkim khawpui Gangtok-ah March ni 17 atanga 20, 2025  chhung hian neih a ni dawn a. Mizoram atanga he hun hmang turte thlahna hun chu vawiin chawhma dar 10:00 khan Sports & Youth Services (SYS) Department buatsaihin Directorate of Sports & Youth Conference Hall-ah neih a ni a. He hunah hian SYS Director Pu H. Lalhmingthanga chuan fuihna thu sawiin, Mizoram aiawha North East Youth Festival 2025 a tel turte a vai liam a ni.

North East Youth Festival-ah hian inelna chi hrang hrang- Quiz, Folk dance, Folk song, One act play, Rock band, Guitar solo, Martial Arts leh Adventure programme-te neih a ni dawn a ni.

Mizoram atanga telte hi SYS Department atangin Pu Lalngilneia Colney, Youth Welfare Officer chuan a ho a, a ni bakah hian hmeichhe lam enkawltu Pi Lalnunsiami Pachuau, State Organiser, mipa lam enkawltu Pu Lalthlanthanga, Organiser, Sports & Youth Services-te kaihhruaiin mi 120 te'n vawiin chawhma khan Sikkim panin Aizawl an chhuahsan a ni.

Mizoram aiawh kalte chu hengte hi an ni: 

1. MZU zirlai

2. Sub- Hqrs. YMA Serchhip

3. MTP Siaha

4. Agape Academy, Champhai Kahrawt

5. All Mizoram Karate Association 

6. College leh HSS hrang hrang atangin NSS

7. NYKS District hrang hrang atangin NYKS