Army Recruiting Office, Zemabawk chuan kumin November thla ni 2 leh ni 6 inkara sipai hnalak runpui kalpui a tum dan sipai hnadiltute a hriattir a.
Sipai hna diltute chu an registered e-Mail hawnga hriattirna pawimawh inziak te chhiar theuh tur leh website, www.joinindianarmy.nic.in ah lutin an Admit Card te print chhuak tura hriattir an ni a. Admit card hi Laser printer hmanga print chhuah bak pawm a ni dawn lo a ni. E-Mail la dawng ve lo te pawh website tarlan takah khian lutin an admit card print phalsak an ni. Sipai hna diltute chu Admit card leh a chhunga lehkha pawimawh ken tel ngaite kengin Rajiv Gandhi Stadium-ah a hnuaia hunbik ruat ang hian kal tura hriattir an ni:
November 2 ah Lawngtlai leh Saiha atanga sipai hna diltute, November 3 ah Aizawl District, November 4 ah Champhai, Lunglei leh Serchhip District te leh November 5 ah Kolasib leh Mamit District a candidate te.
Hriat belh duh leh harsatna nei tan chawhma dar 8.30 leh chawhnu dar 1.30 inkarah phone: 0389-2351166 emaw 0389-2351518 ah te thuneitute biakpawh theih a ni ang.
