Kolasib District-a Press Accreditation hmu, thuthar lakhawmtu mi 11 hnenah vawiin khan District Bawrhsap Pu H. Lalengmawia IAS, chuan a Pisa-ah Press Accreditation Card a hlan.

District Bawrhsap chuan Press Accreditation hmu te a lawmpui thu sawiin, Accreditation hmu tlak a ngaih Kolasib District-in mi 11 lai a nei chu lawmawm a tih thu a sawi a. Accredited Journalist te chu mahni zahawm taka invawng tur leh an thuziak leh cheziaah pawh accredited an nihna a lan a tul a ni a ti a. Thu belhchian dawl leh rintlak chhuah thin tura chahin, sorkar hmalaknate pawngpaw sawisel mai lova awmze nei zawk leh siamthat tum rilru pu a sel thin turin a chah bawk. District Bawrhsap chuan thuthar lakkhawmte viak tha tak tak Kolasib District-in a nei chu chhuanawm a tih thu sawiin, intuaihriam deuh deuh turin a chah a ni.

Press Accreditation Card hlanna hun hi Pi JH. Lalparmawii, DIPRO Kolasib-in a kaihhruai a, Pu S. Lalhmachhuana, Prominent Journalist in thutawi sawina hun a hmang bawk.

Attachment

  • Loading attachment...