National Service Scheme (NSS) foundation Day vawi 43rd chu Chamari YMA Hall-ah ropui takin vawiin 24.9.2012 (Mon), dar 1:00 PM khan lawm a ni a. He foundation day lawmnaah hian Pu S.Laldingliana Parliamentary Secretary, Sport & Youth Services chu khuallian niin Pu Lalzirmawia Chhangte Director, Sport & Youth Services chu Khualzahawm a ni bawk.

NSS Foundation Day lawmna Inkhawmah hian Dr. Lalzuiliana, State Liaison Officer, NSS chuan Welcome Speech a sawi a. Pu C. Lalduhawma Member Secretary Mizoram Pollution Control Board in Polythene hman that lohna chungchang zirtirna hun a nei bawk. Tin, Khualzahawm Lalzirmawia Chhangte, Director, Sport & Youth Services chuan thusawina hun a hmang bawk ani. Kalkhawmte hmaah thuchah sawiin Pu S. Laldingliana, Parliamentary Secretary chuan amah ngei pawh NSS a theihtawp a lo chhuah ve thin tawh dante a tarlang a, Pu Dinga chuan, "Service to Man is Service to God tih a nih angin NSS kaltlanga rawngbawlna hi Pathian rawngbawlna dik tak a ni, chuvangin NSS member lo kalkhawm zawng zawngte hian kan vanglai leh that lai hun hi khawtlang leh ram tana hmangin midang tana malsawmna nih i tum zel ang u" tiin kalkhawmte a chah a ni.

Vawiinah hian Aizawl Khawpui chhunga College leh Higher Secondary School hrang hrang atangin NSS Programme Officer leh NSS Volunteers mi 600 vel in he hun hi an hmang a ni. NSS hi India ramah Pu Mahatma Gandhia Piancham vawi 100 na den chhenin 24th sept 1969 ah din ani. Mizoram bikah chuan kum 1973 ah Pachhunga University College a din a ni a, chumi hnuah college leh Higher Secondary School hrang hrangah te din belh zel ani. Tun ah hian NSS awm na College leh Higher Secondary School hi 76 lai a awm tawh a ni. NSS hian heng : Voluntary Blood donation, Tree plantation, Cleanliness drive at public places, Home hrang hrang a thil pek, HIV/AIDS awareness, Career guidance pek, Vantlang mamawh Zun in, Chawlhbawk, tuikhur siam etc. ah te hian Activity an nei thinin an hmalakna te a fakawm hle a ni.