Nimin chawhnu khan Nursing School Auditorium Lunglei ah 20th Graduation and Lamp Lightning Ceremony 2018 hun hman a ni. Dr Thani Pachuau, Chief medical Officer, Lunglei chuan khuallian niin a hmanpui. 

Dr Thani Pachuau  chuan  Nursing School Lungleiah kawng tinrengin hmasawnna tam tak hmuh tur a awm chu ropui a tih thu sawiin kum thum leh a chanve chhung Nurse zir chhuak ten  hreawm tam tak pal tlang a an zir zo thei hi a lawmpui a, Topper hial a lang an awm hi History a tling a ni a ti. Nurse tha ni tur chuan eng mi zia nge kan neih, khawngaih theih na, dam lo te ngaihven a, lainatna nei a rawngbawl sak a,  rinawmna leh taimakna leh tuar chhelna a ngaihthu a sawi a ni.  Dam lo mirethei leh hausate en hrang lova in ang khat a en theuh tur in a duh a, damlote chunga tawngkam tha a hnem tu nih tum turin a duh bawk. Florence Nightingle hnung zui a damlo ten Nurse hmel an hmuh in dam lo ten damna an chan theih nan leh malsawmna ni theuh turin a chah bawk. Khawi hmun ah pawh Nurse te chu awm se an thu tiam leh an lukhum khum chu vawng nghet tlat turin a duh thu a sawi.

Pi T Rozami Principal Nursing School pawhin  Report pe in Nursing school Lunglei hi 1 December 1900 kum ah CSS pawisa hmang a din a ni a, 3 October 2000 kum khan mizoram sorkar  in a la a ti a, kumtin zirlai 20 lak thin niin Nursing School atang hian Nurse 358 zir chhuak an awm tawh a, kumin a Mizoram Nursing Council Exam buatsaih ah Lunglei Nursing School atangin   hmeichhia 15 leh mipa 2 an vai in mi 17 an ni a topper 6 an lang a ti bawk. Pi Thandingliani DD(N) retire in Graduation and Lamp Lighning Ceremony hi a kaihhruai a, Pi S Ngunchhuanthangi Nursing Supdt Civil Hospital Lunglei in Academic Award hlan a hlan bawk a ni.