Nimin chawhu dar 2:30 khan IIDC Pukpui ah Nehru Yuva Kendra Lunglei buatsaihin National Integration Camp ni 24-29 February, 2012 chhung a neih kharna inkhawm Pu H.Lalramngheta kaihhruaina ah hian Pu V.Sapchhunga, IAS,DC, Lunglei chu khuallian ni in Pi Vanlalruati, APO, DRDA chu khualzahawm ah hman ani.

Khuallian chuan thusawiin India ram chu hnam hrang hrang sakhaw hrang hrang betu te huang khat a kan lawi khawm na anih thu a sawi a, he camp a tel Mizoram, Manipur, Assam leh Meghalaya atanga thalai rualte National Integration Camp hmang a rawnkal te zarah tluang tak a kan hman zawh tak chu lawmawm atih thu a sawi a, he camp chhung hian in unau na leh in pumkhatna tha tak a hrin chhuah ngei a rinthu a sawi bawk ani. Sorkar laipuiin thalai te khawvel anih angin in unauna leh in pumkhatna te hi a ngaipawimawh hle a, in lak hran na rilru pu lo turin a chah bawk. Mizo in a hnamdang kan tluk loh na chu inpumkhatna ah an chian vang ani a ti. DC chuan Participate te hnen ah certificate hlanna a nei bawk a ni.

Khualzahawm Pi Vanlalruati APO, DRDA pawhin National Integration camp atang hian hnam hrang hrang te kan inzahtawn a, kan in hriat chian chuan ram leh hnam tan rah tha tak a chhuah a beisei thu a sawi.

Kharna inkhawm ah hian Pi Mercy Sellate, Youth Co-Ordinator NYK Lunglei in thu a sawi bawk. Pu Lalbiakzara, Asst.Secretary YMA Sub Hqrs. Lunglei pawhin thu a sawi bawk ani.