Zan khat riak tura Mizoram rawn tlawhtu, Union Minister of State for Consumer Affairs, Food and Public Distribution Prof. K.V.Thomas chuan nimin tlai khan Chief Minister Pu Lal Thanhawla chu a chenna bungalow ah a hmu. Hemi hma hian Minister hian Mizoram Larsap alo hmu tawh bawk.

Inkawmnaah hian Mizorama buhfai dinhmun leh eirawngbawlna Gas supply dinhmun chungchangte an sawi dun ani. Union Minister hian vawiin ah Khatla Veng, Chawnga Road a Fair Price Shop dawr a tlawh ang a, I&PR Conference Hall-ah Chanchinbumite kawmin, Congress Bhavan a tlawh bawk ang a. Chumi hnuah Lengpui airport atangin a haw leh ang.

Minister hi Consumer Affairs Department a Additional Secretary Pankash Agarwala leh Joint Secretary Girish Shankar ten an rawn tawiawm a ni.

Chief Minister hi Pu H.Rohluna, Minister for Food & Civil Supply bakah Pi M Zohmingthangi, Secretary, Food & Civil Supply leh Pu Lalram Thanga, Principal Secretary to Chief Minister ten an tawiawm bawk a ni.