Vawiin chawhnu dar 3:00 pm khan DC’s Conference Hall-ah Saiha District Task Force Committee ten kangmei tuarte hnenah tanpuina tangka fai cheque in an sem.

Vawiin a tanpuina an sem te hi In sak that tur 19 zinga tel lo, Severely and partially damaged category huamchhunga awm In neitu 9 te hnenah Engineer PWD, Saiha District zirchianna zulzuia In thawm that nana pek an ni a.

Field Officer, DM&R, Saiha District zirchianna zulzuiin kangmei tuar Chhungkua 57 te chu hlawm (Category) 5 –A,B,C,D,leh E te a then an ni a. Category-A a awm te hi Rs. 50,000/- theuh cheque a pek an ni a. Category-B a awmte chu Rs. 25,000/-theuh, C-a awmte Rs. 20,000/- theuh, D-a awmte Rs. 10,000/- theuh leh E-a awmte chu Rs. 7500/- leh a hnuailam  pek an ni.

Category-A ah hian chhungkaw 3 an awm a, B-ah chhungkaw 10, C-ah chhungkaw 7, D-ah chhungkaw 13 leh E-ah chhungkaw 25 an awm.

He mi bakah hian kangmei tuar High school zirlai 16 hnenah  Rs. 1200/- theuh leh 10+2 zirlai 4 tan Rs. 1500/- theuh cheque a pek an ni bawk.