3094/2022-2023

Khawzawl, the 17th December, 2022: Nehru Yuva Kendra Sangathan, NYKS Champhai chuan vawiin atang khan ni hnih awh tur Village Level Sports Meet Tournament chu Ngaizawlah a buatsaih.

A bultan ni vawiin khan Football Tournament buatsaih a ni a; ruahman dan chuan kar leh Thawhtanni hian Volleyball, Badminton leh Traditional games hmanga intihsiakna buatsaih tum a ni. NYKS Village Level Sports Meet-ah hian infiamna hrang hrang hnuaiah team 13 an tel a, a tel te hi a tlangpuiin thalai kum 15-29 inkarte an ni hlawm a ni.
He hun puala thuchah a siamah Pu Dinesh Jangid, District Youth Officer, NYKS Champhai chuan NYKS kaltlanga infiamna buatsaiha thalai thahnem tak an tel leh an hlut chu lawmawm a tih thu a sawi a. Zokhaw lam thalaite infiamna huang zau leh sang zawka hruai thlena, hriselna tha leh fitness tha neih tir chu NYKS tum a ni, a ti a. Heng bakah hian infiamna kaltlanga hmabak eng tak leh eizawnna ngelnghet an neih theih dan inhrilhhriatna tha tak a ni tel bawk a ni, a ti a. Thalaite chu taksa insawizawi leh infiamna ngaipawimawha, district ang pawha buaipui tham ruihhlo leh a kaihhnawih hrang hrang: zu, damdawi leh vaihlo lam chi reng reng laka inthiar fihlim tura zirtirna NYKS kaltlanga pek thin anih thu a tarlang bawk. 

Attachment

  • Loading attachment...