Dr Mamatha BR, IAS, General Observer chuan,” Boruak muanawm tak hnuaia Inthlanna hlawhtling takin kalpui a ni a, EVM leh VVPAT lamah harsat lian tham kan tawk lova, inthlan hlawhtling taka kalpui a nih theih nan a Polling station hrang hranga tlawmngai pawl inpe tak tak hmuh tur an awm kha a ropui hle a ni,” a ti a,”Rualbanloten vote an thlak ve theih nan Polling Station ah ruahmanna tha taka siam a ni a, an mahni buaipuitu tur leh mamawhte tana hman tur Wheelchair te pawh tangkai taka hman a ni,” a ti bawk.
General Observer Pi Honmilee Teronpi, IAS chuan, Vote thlak turte thut hahdamnan Polling station hrang hranga thutthleng dah a ni chu state dangah a la hmuh ngailoh thu a sawia, NGO ten election ngawrh taka an vilpui chu lawmawm a tih thu a sawi bawk.
Assembly Constituency a vote tlak dan chawhrual aia za zela 15 a tam emaw, tlem emaw Polling Station a awm chuan Post Polled Scrutiny hmang hian chung Polling Station-te chu zirbing a ni a. Presiding Officers Diaries, Form 17 a voters ziah luhna leh lehkha pawimawh dangte endik a ni a. He hunah hian EVM/VVPAT chhiate, EPIC nilo hmanga vote tlak tam lamin za zela 25 a pel em tih enfiahte, Polling Station-ah tender voters panga aia tam an awm em tih thlengin enfiahna neih a ni.
Polling Station 3 atanga Presiding Officers Diaries leh Form 17A a voters ziah luhna te endik niin Party agent, General Observer te leh Election official ten engkim a felfai a ni tih an pawm a ni.
