Champhai District Swachh Bharat Mission (Gramin) chu vawiin khan Champhai DC Conference Hall-ah thutkhawma niin, he hun hi Champhai DC Pu Vanlalngaihsqka'n a kaihruai a. Champhai District chu Open Defecation Free (ODF)-ah October thla tir a puang turin vawiin a meeting chuan thutlukna a siam.
Champhai District-ah hian khua/Veng 108 awmin, chhungkua 16,174 vel an awm mek a. Heng khua a Village Council-ten Zun leh Ek thlah dah kawngah an fihlim thu an puan hnuah Champhai District chhunga Rural Development Block pali ten an huamchhunga chhungkaw awm zawng zawng zinga 10% an enfiah hnu a Open Defecation Free annih ngei an nemngheh bawk avang leh District Level Swachh Bharat Mission Committee pawhin Champhai District chhunga chhungkaw awm zawng zawng zinga 5% a enfiah hnuah Zun leh Ek thlahdah kawngah Champhai District chu a fihlim ngei a ni tih a finhiah hnuin, vawiin a he Committee thu khawm chuan tunthla chhunga chinfel ngai zawng zawngte chinfel nise ti a a rawt bakah October 2016 chhung hian Open Defecation Free anihna chu puangin, ropui taka lawm nghal nise a ti.
He thutkhawmah hian India ram pumpui District 687 zinga District faiber 9-na a ni pha leh Central Sanitation Ministry kaltlang a 26 States NSSO Survey 2015 in Mizoram State chu Chhungtin Ek in nei a hmang tangkai leh Vangtlang Inthiarna nei leh hmang tangkaite a thlan chhuahah Mizoram State chu pathumna a nih thu tarlan a ni a. Champhai District chhung khua/veng (Village Council) 108 zinga veng 80 chu Thingtlang khua anih thu leh khua/veng 28 chu khawpui huam a ni a. Khawpui huam a awm veng 28-a zirlai naupang (zawng zawng) sing hnih chuangten ODF ni tura hming an ziak hnan vek atul bawk vangin hei hian a puan hun tur pawh atih khawtlai phah a ni.
Champhai District Open Defecation Free a puan anih hun leh a lawmna hun hmang tur hian Mizoram State sorkar mi pawimawhte sawm nise, Committee chuan ati bawk.
