Vawiin khan Agriculture Conference Hall-ah 3F Oil Palm Agrotech Private Limited bultumin Oil Palm chin dan training neih a ni.

He training, Aizawl District huamchhunga Agriculture Field Staff-te tana buatsaih, Agriculture Director, Dr. C. Lalzarliana kaihhruaiah hian Aizawl District chhunga Field Staff te leh Agriculture Directorate-a Field Staff te an kal tha hle.

Pu Chintamani, General Manager, Oil Palm Development, 3F Oil Palm Agrotech Pvt. Ltd. Hyderabad-a mi chuan Power Point hmangin Oil Palm chin dan zirtirna a pe a, Pu R.K. Nithanga, Deputy Director (Oil Palm) chuan Mizorama Oil Palm chin mek chungchang leh nakkum 2013 atana inbuatsaihna kalpui a nih dan tlangpui a sawi lang bawk.