Vawiin khan Pu R Lalrinawma, MLA leh Chairman Mizoram Law Commission nibawk chuan Zemabawk Field-ah Eunice Kennedy Shriver Day a hmanpui a. He Day lawmna ah hian Special Olympics Bharat (Mizoram Chapter) President Pi Chhingpuii leh Area Director Pu Zoliana Royte te’n Pu R Lalrinawma hi an tawiawm a ni.
Pu R. Lalrinawma chuan Pathian atanga chhuak hmangaihna tel lo chuan rualbanlo te enkawl hi a har a rin thusawiin, mi nazawngin an tih theih lo rawngbawlna pawimawh a thawktu – Gilead Special School a thawktu te inpekna chu ropui a ti a. Pu R. Lalrinawma chuan tunhma lamah rualban lote hi chhawnchhaih leh enhniam an ni thin a, tunah erawh mi pangaite tih ang thil tam tak an ti thei ve tawh a ni tiin mitin in enkawl leh chhawmdawl chungchangah mawhphurhna kan nei vek a ni, a ti.
He Day hi Gilead Special School, RKM School leh Presbyterian English School Zemabawk North ten an hmang ho a ni.
Eunice Kennedy Shriver hi rual ban lote chanvo leh an dikna chungchanga mi thawh hlawk a niin, rualban lo ten infiamna lamah inelna an neih ve theih nana Special Olympics duangchhuak tu bera ngaih a ni. Eunice Kennedy Shriver Day hi amah hriatreng nan buatsaih thin a ni.
