New Delhi a cham mek Pu J.H. Rothuama, Land Revenue & Settlement etc. Minister chu nimin 20.9.2012 khan India ram state hrang hrang Revenue Minister Conference-ah a tel a. He conference ah hian Computerization of Land Records leh Revenue inrelbawlna chak zawka kalpui dan tur te, National Land Records Modernisation Programme (NLRMP) kalpui zel dan tur leh National Council of Land Reforms (NCLR) hmanga central leh states ten leilung enkawl dan mumal tak neih theih dan turte an sawi ho. Pu J.H. Rothuama hian Mizoram Revenue Department in hma a lak mekte leh a mamawh te he conference ah hian a sawi a. Revenue lam enkawltu Union Minister leh Officer lian te hnenah Mizoram mamawh hi a bawhzui nghal bawk.

Vawiin khan Minister hian a department enkawl hrang hrangin central a project an neihte bawhzuiin Central Secretariat a Minister leh officer lian ho te a dawr nghal a, Soil & Water Conservation Department leh Co-operation Department project te a bawhzui naah official te nen tha tak leh hlawhtling takin an indawr a ni.

Minister hi Pu R. Zarzosanga, Director, Land Revenue & Settlement leh Pu Dawngkima, Joint Director, Land Revenue & Settlement ten an tawiawm a ni.