Vawiin khan Agriculture Department chuan District Agriculture Office Conference Hall, Aizawl ah Oil Palm chungchang a Farmers-Scientist interface an buatsaih.

Programme hmanpuitu Dr. C. Lalzarliana, Director of Agriculture (Crop Husbandry) chuan Mizoram hi hriak nei thlai a kan in intodelh nan leh loneituten eizawnna ngelnghet, hlawk zawk an neih a tul zia te hria a, Oil Palm Act dan hnuai a chin leh enkawl a nih thu a sawi a. Central Sorkar leh State Sorkar-in Oil Palm chin hi Loneitute intodelh theihna a nih hriaiin a ngaipawimawh a, Mizoram ah hian kum 2007, 2008 chho a chin te pawh Central mithiamten rawn endikin, Mizoramah hian beiseina sang tak an neih bakah a tha duh hle an tih zia Director hian a sawi bawk.

Programme kaihruaitu Pu Lalrinliana, Joint Director of Agriculture chuan Mizoram ah Hectare 17,588 ah Oil Palm chin tawh a nih dan leh Aizawl District-ah hian hectare 407 ah chin mek a nih thu sawiin, Mizoram a Oil Palm chin theihna awm zawng zawng atang hian za a sawmhnin pawh la chinloh anih thu sawiin, loneitute economy tihsan nan Oil Palm chin a tul zia te a sawi a ni.

He Farmers-Scientist interface ah hian Loneitu 50 (Sawmnga) chuang kalkhawmin, Agriculture Department mithiam Pu R.K. Nithanga, Dy. Director (Oil Palm), Dr. H. Saithantluanga, DAO, Aizawl, Pu J. Rothanga, Dy. Director (SS) leh Pu C. Lalnithanga, Asst. Plant Protection Officer ten zirtirna tha tak tak an pek bakah sawihona hun tha tak neih a ni a. Loneitu Aizawl District khaw hrang hrang atanga kalte pawhin hlawk thlak an ti hle.