Vawiin chawhma dar 10:30 khan Serchhip DC’s Meeting Room ah Serchhip District Level Vigilance and Monitoring Committee neih a ni a, Committee Chairman Pu C.L.Ruala, Lok Sabha M.P., Co- Chairman Pu Lalhmingliana, Rajya Sabha M.P., Er. Lalrinawma MLA (Tuikum Constituency) ten he hun hi an hmanpui a, Sawrkar Laipuiin District chhung hmasawnna hna a ruahman chi hrang hrangte kalpui anih dan leh hmasawn dan chi hrang hrangte thlir ho a sawiho a ni.

DRDA kaltlanga hnathawh zing ami MGNREGS hnuaiah kum 2013-2014 kum kal mekah hian Serchhip District ah ni 69 chhung inhlawhna siam anih tawh thu report a ni a, hemi atan hian pawisa awmzat Rs. Nuaih 1421.65/- atangin Rs. Nuaih 1418.32/- hman ral tawh a ni a, internet connection a chak that tawk loh avanga MIS report generate that theih loh chu an harsatna tawh lian ber pakhat anih thu sawi lan niin, Sawrkar Laipui leh State Sawrkar atanga sum dawn belh tur la awm Rs. Nuaih 1071.97 hmuh leh anih dan azirin Sawrkar kum tawp hma ngei a ni 100 inhlawhna siam hman an in beisei thu DRDA Project Director Pu FJ Liantluanga, MCS chuan a sawi. Kum 2013-2014 chhungin Serchhip R.D. Block huam chhungah Job Card 11624 pek chhuah a ni a, E.Lungdar R.D. Block huam chhungah Job Card 3357 pek chhuah a ni bawk.

IAY hnuaiah kum 2013-2014 chhungin Serchhip District ah In 96 sak a ni a, heng zinga 63 hi Serchhip R.D. Block hnuaia mi a ni a, a bak 33 hi E.Lungdar R.D. Block hnuai ami a ni.

Integrated Wastelands Development Programme (IWDP) hnuaiah IWDP-IV Project District Agricultural Officer, Serchhip kaltlangin thawh a ni a, he Project hnuaiah hian Micro-Watershed 12 siam niin hna chi hrang hrang WRC-I, WRC-II, Water Harvesting Structure, Fish Pond, Farm Pond, Oil Palm Plantation, Sugarcane Plantation, Irrigation te thawh a ni a, heng atan hian Rs. 108,28,187/- hmuh niin Rs. 70,12,593/- sen ral ani tawh a ni.

Nirmal Bharat Abhiyan (NBA) hnuaiah 2013-2014 kum kal laiah vawiin thleng khan inthiarna (Toilets/Latrines) 7847 siam a ni tawh a, BPL chhungkaw 4947 (Serchhip R.D. Block – 3077, E.Lungdar R.D Block – 1870) tan inthiarna siam sak an ni tawh a, APL chhungkaw 2900 (Serchhip R.D. Block – 1870, E.Lungdar R.D Block – 934) tan siam a ni tawh bawk. School 80 (Serchhip R.D. Block – 58, E.Lungdar R.D Block – 22) ah leh Anganwadi Centre 117 (Serchhip R.D. Block –89, E.Lungdar R.D Block – 28) ah inthiarna siam sak an ni a, Vantlang inthiarna hmun 77 (Serchhip R.D. Block – 67, E.Lungdar R.D Block – 10) ah siam ani tawh bawk. Khawfai lawmman dawng khaw 15 (Serchhip R.D. Block – 10, E.Lungdar R.D Block – 5) an awm a, khawfai lawmman dawng tura dil sak mek khaw 4 an awm bawk.

Central Fund UIDSSMT atangin Greater Serchhip Water Supply Scheme tihchangtlun hna thawh a ni a, RCC Reservoir thar pahnih Serchhip Chanmari veng ah leh Serchhip Vengchungah siam niin, Serchhip khawchhung veng hrang hranga Distribution Line te pawh extend a ni a, Tuikum Pump House ah Panel Board thar dah niin Tuikum leh Booster a Electric Motor leh Pump te a thara thlak a ni bawk.

National Social Assistance Programme hnuaiah Tar Pension (IGNOAPS) dawngtu mi 1550 (Serchhip R.D. Block – 893, E.Lungdar R.D Block – 657) an awm mek a, Tar pension la thar tura dilna 47 (Serchhip R.D. Block – 12, E.Lungdar R.D Block – 35) a awm mek bawk a ni. Pension hi Bank kaltlanga la 937 (Serchhip R.D. Block – 532, E.Lungdar R.D Block – 405).

Hmeithai Pension (IGNWPS) dawngtu mi 141 (Serchhip R.D. Block – 72, E.Lungdar R.D Block – 69) an awm mek bawk a, Rualbanlo tanpuina (IGNDPS) dawng mi 39 (Serchhip R.D. Block – 20, E.Lungdar R.D Block –195) an awm mek bawk. National Family Benefit Scheme hnuaiah tanpuina dilna lut chhungkaw 47 an awm a, mahse Sawrkar Laipuiin Serchhip district tan chhungkaw 12 chauh a ruahman sak avangin an zing atang hian chhungkaw 12 pek an ni.

E.E., PWD, Serchhip Division huamchhungah PMGSY Road 5 siam tura ruahman chu contractor te thlan fel tawh niin hna thawh tan tawh anih thu report a ni a, heng kawng siam tur te hi Serchhip Block ah 3 : Chhingchhip – Hmuntha Road (24.400 Km), Chhingchhip – Thentlang Road (12.800 Km), Hmuntha – Khawbel Road (19.950 Km) a ni a, E.Lungdar Block ah 1 : E.Lungdar – Sailulak Road (18.580 Km) leh Thingsulthliah Block ah 1 : Chhingchhip – Hualtu Road (20.250 Km) te an ni a, Cement Concrete a siam tur niin January ni 18, 2016 hma a siam zawh tur a ni. Committee Chairman Pu C.L.Ruala, Lok Sabha M.P chuan PMGSY hnuaia Contractor thlan chungchangah PWD norms pangngaia percentage fix thin khan a awmloh avangin a chhang hniam hniam thlan ni thina a hriat thu leh hei hian hnathawh quality a tihchhiat phah a hlauh thu a sawi a, NGO hruaituten kum hmasa lama Chhiahtlang – Lamchhip Road siam tura tih tun thlenga siam anih loh chhan zawhna an siam chu EE, PWD Serchhip Division chuan kawng siamna tur pawisa sanction a rawn kal leh tak si loh vang anih thu in a chhang a ni.

He meeting-ah hian Chairman Pu C.L. Ruala, M.P., Lok Sabha chuan kum 5 dawn Chairman anih chhunga hlawkpuina tam tak a hmuh thu sawiin Sawrkarin thingtlang miretheite hmasawnna tura hna a thawhna kawngah hmanraw dang hman tur a nei chung lo ani tiin Sawrkar hnathawkte chu rinawm leh taima taka thawk turin a fuih a, Tanpui ngai nilova Tanpuitu ni zawk tura Pathianin a ruat chu malsawmna ani tiin inthlahdah hauh lo turin a chah a ni. Pu Lalhmingliana, M.P., Rajya Sabha pawhin Mizorama sawrkar hnathawkte thahnemngaihna chu lawmawm a tih thu a sawi a, State dang nena khaikhin pawhin an chhuanawm ani tiin lawmthu a sawi bawk.

District Bawrhsap Pi Juhi Mukherjee, IAS pawhin thu sawiin MP te leh Sawrkar hnathawkte inpawhna leh thawhhona tha a nuam a tih thu a sawi a; inthlahrung miah lova tlang tak leh inpawh taka harsatna te Sawrkar hnathawk ten an thlen theihna leh inhawng taka lo dawngsawng thin tu MP kan nei chu mak a tih thu sawiin hmun dangah chuan hetiang hi a hmuh ngailoh thu a sawi bawk a ni.

Vawiin meeting-ah hian Central Development Scheme hrang hrang khawihtu Department aiawhte leh tlawmngai pawl aiawh te an kal tha hle a, an hnathawhna kawnga harsatna an tawh te, an mamawhte leh an hlawhtlinna te sawi chhuah niin hma lak chhunzawm zel dan tur te pawh an sawiho a ni.