No.3369/2020-2020

Vawiin chawhma khan Dr. H. Lalthlangliana, Deputy Commissioner, Kolasib District chuan Godrej Agrovet Ltd. Palm Oil Mill, Bukvannei a tlawh a. Hnathawhna an kalpui dan te, loneitute harsatna zirchian dan tur leh Oil Palm chingtute tih hmasawn dan tur, Godrej Agrovet Ltd. Palm Oil Mill-a thawktute nen sawi hona hun a hmang a. Pu Lallawmawma Addl. DC, Pu J. Rothanga DAO, Pu Vanlalchhuanawma Chawngthu SDO (S) ten an tawiawm a ni.

Dr. H. Lalthlangliana chuan Palm Oil Mill a Oil Palm rah atanga tel herhchhuahna khawl awmna te fangkualin, hnathawkte hna kalpui dan hrang hrang a enpui a. Kolasib District a Godrej Agrovet Ltd. Palm Oil Mill, loneitute tan a chhawr tangkai theih a a awm chu lawmawm a tih thu a sawi a, hemi anih rual hian Oil Palm chingtu an pung chak lo erawh zir chian vat a tul thu a sawi. DC chuan thawktute a kawmnaah, “Oil Palm huan nei, ngaihsak zui lo te zirchian a ngai hle a, an harsatna hriatchian a, a tul ang a hmalak dan tur ruahmanna neih a ngai a ni,” a ti a, kan ram chhunga khawl changtlung tak awm chu loneitu tam thei ang berin a an tangkai tak a an chhawr a duh thu a sawi a ni.

Pu J. Rothanga, DAO, Kolasib chuan report tawi pein, Kolasib District chhung khaw 30 ah Oil Palm chingtu an awm thu te, kum 2020-ah ram Hactare 6965.31 a zauah Oil Palm chinna kalpui a nih thu te leh April atanga June thleng khan Kolasib District bikah, Lockdown kalpui chungin, cheng Nuai 30 chuang man hu Palm Oil Mill ah hralh a nih thu a sawi bawk a ni.

Godrej Agrovet Ltd. Palm Oil Mill, Bukvannei hi October ni 28, 2014 a hawn a ni a, tun a chhinchhiah danin Kolasib-ah chhungkaw 250 leh Mamit-ah chhungkaw 350 Oil Palm chingtu an awm mek a ni. Mizoram-ah Godrej Company hian kum 2010 atangin Oil Palm rah hi a lei khawm tan a, Kolasib District chhungah kum 2018, April atanga 2020, June thleng khan Rs. 2,24,45,930.5 man a lei tawh a ni.

Palm Oil Mill ah hian darkar khatah Oil palm rah bawr Quintal 50 a her theih a, a hnuai a mi ang hian Oil palm rah hi lak khawm a ni,