923/2023-2024

Dated Aizawl the 26th June 2023: Vawiin khan Aijal Club-ah Press Information Bureau, Ministry of information and broadcasting buatsaih, One Day Media Workshop 'Vartalap' hman a ni.

He workshop-ah hian India in kum kaw kalta chhunga Seva, Sushasan leh Garib Kalyan a kawng hrang hrang a hmasawnna a hmuh te leh Schemes pawimawh tak tak te photo exhibition leh Paper Presentation hmanga pho chhuah leh sawiho a ni.

Dr. ZR Thiamsanga, MLA, Chairman, Health and Family Welfare Board, Mizoram chu khuallian niin hun pawimawh leh chhinchiah tlak tak mai a khuallian ni tura sawm a ni chu a lawm thu a sawi.

MLA chuan Prime Minister Narendra Modi hnuaia India in hmasawnna a hmuh te chu a fakawm takzet a ni,a ti a, kum kaw chhung lekin India chu khawvela ram economy lian 5-na a ni pha ta a ni, a ti. North East India pawhin hmasawnna tamtak hmuin ,a bik takin Mizoram chhungah phei chuan damdawiin tha tak ZMC a din bak ah infrastructure project lian tham tak tak thawh mek leh la thawh zel tur a awm nual a ni, a ti. Program-ah chuan Department tam zawk hnathawh pho chhuah nilo mahse an hnathawh rah chhuah mekte hmuh theih turin a awm a ni, a ti. Tunhnaia Mizoram in a India a tehna hrang hrang a pakhatna a hauh na te a sawilang bawk.

Pi PB Lianthangpuii, Jt Director, I&PR ,Vawiin a khualzahawm ni bawk chuan thu sawiin I&PR chuan hun rei tak atang tawh PIB leh Central lama media unit-te nen thawhhona tha tak anlo nei tawh thin a ni, a ti. Government of India scheme tha tak tak phochhuah a ni chu a lawmawm a tih thu sawiin, heng scheme thenkhat te hi Central Media Units lam in an thehdarh thin avanga I&PR pawh in a hriatloh te an awm nuk a, amaherawhchu hemi kawngah hian PIB nena inpawhna tha tak an neih theih avangin lawmthu a sawi.

Thuthar lakhawmtute hnenah pawh tan lak a ngaih zia sawiin, social media-ah chanchinthar tamtak hmu thin mah ila,chanchin dik leh rintlak thehdarh chu journalist-te chungah a innghat a ni,a ti.

Pu C Lalrambuatsaiha , MJA president, Vawiin a Special guest pawh in thu sawiin zir tawp tih hi a awm tak tak theilo a, a bik takin media mi te tan phei chuan inzir zel a pawimawh em avangin vawiin program chu an hlawkpui viau dawn a ni, a ti bawk.

Vawiin workshop hi Dr Engam Pame ,IIS,PIB Director , Imphal Region chuan kaihruaiin an kalkhawm chhan chu kum 9 chhung a India in a Seva, Sushasan leh Garib Kalyan hmanga kawng hrang hrang a hmasawnna a hmuhte lawm tur leh sawihona nei turin a ni, a ti.

Pu Engam Pame chuan Vawiina program, ram chhung hmun hrang hrang a hman mek ni bawk hian kalkhawmte zingah inpumkhatna tha leh hmalak ho zel dan tur ngaihtuahna tuh se a lawmawm hle dawn a ni, a ti bawk.

Zing lamah photo exhibition leh thusawinate neih a nih hnu in Pu P.Sophie,FEO,CBC Kohima in lawmthu sawiin neiin chawhma hun hi a khar a, chawhnu lamah Technical session neih zui a ni a. He hunah hian Department hrang hrang atangin Resource Person te sawm niin inzirtirna hun hman a ni.

Vawiin Program-ah hian PIB staff,AIR staff, Doordarshan staff te leh thuthar lakhawmtute leh sawm bik mi pawimawhte an tel a ni.