Vawiin khan, ni khat awh State Level Seminar 0n "Present Evaluation System in Higher Education," tih hmanga UGC leh Government Mamit College Department of Education, te tangkawpin an buatsaih chu I & PR Conference Hall, Mamit-ah neih a ni. 

He hun hi Dr. A.I. Meetei, Organising Coordinator, Govt. Mamit College chuan a kaihruai a, Dr. A.P.K. Singh Principal Govt. Mamit College chuan kalkhawmte lawmna thu a sawi. Dr. Lalbiakdiki Hnamte Associate Professor, Department of Eduction Mizoram University chuan khuhhawnna thusawiin, mihring nun hi inleh (Evaluate) a khat a ni a, mihring hlutna chu miin min hmuh dana innghat a ni a ti a, Zirlaite chu zirtirtuten zawhna an pek an chhan dan atanga mark leh grade pek an nih thin thu a sawi. 

He State Level Seminar hi hun hnihah then a ni a, hun khatna-ah Dr. Lalzarmawii Assosiate Professor Department of Education, Govt. Aizawl North College, K. Chandra Kumar Associate Professor Govt. Khawzawl College leh Ms. Lalhruaitluangi Research Scholar Department of Education, Mizoram University ten zirtirna an pe a. 

Hun hnuhnung zawk, hun hnihna-ah Dr. A.I. Meetei Associate Professor Department of Education Govt. Mamit College, Mr. Lalliantluanga Ralte Research Scholar Department of Education Mizoram University leh Dr. Lalnithar Joute Associate Professor Department of Education Govt. Mamit College ten zirtirna an pe a ni. 

State Level Seminar Mamit-a neih ah hian Govt. Mamit College zirlaite an tel tha hle a ni.

Attachment

  • Loading attachment...