Vawiin chawhma khan D.C Conference Hall, Aizawl-ah, Aizawl Bawrhsap Dr. A.Muthamma, IAS hovin The Mizoram Private Placement Agencies (Regulation) Act 2015 hmanga The Mizoram Private Placement Agencies (Regulations) Rules 2016, Home Department in a chhuah chu a zirna leh hman dan tur workshop chu neih a ni.

He workshop ah hian Mizoram pawn leh ram danga domestic worker (awmpui) tura hmeichhia thawn thintu Private Placement Agency awmte’n licence an neih vek a ngaih tawhthu sawiho ani. Licence dilna chuan application fee Bank draft/demand draft Rs. 5000/- leh bank guarantee Rs. 100,000/- a keng tel tur ahi. Private Placement Agency neitute leh an hnuaia domestic workers zawng zawng chu SP in verification a tihsak vek phawt a ngai a, Domestic worker apiangin pre-placement training an neih a ngaih thu te sawiho ani bawk. Mizoram pawna domestic workers inthawn apiang chu Mizoram an chhuahsan atanga ni sarih ral hmain DC leh Police hnena hriattir tur ani bawk. Placement Agency in domestic workers te Identity Card an siamsak vek tur ani a, an mahni ruaitu leh an thawhna chanchin kimchang updated register an kawl vek a ngaih thu sawi a ni bawk.

Domestic workers hovin training an neih tur module leh topics hrang hrang en ho ani bawk a. Tuna private placement agency ding mekte zinga domestic workers placement titu te zong zong chu a form lak theih atanga ni 15 ral hmain submit vek turin DC in a hrilh a, application dawn atanga licence chu ni 60 chhunga tihfel tur ani tih sawi ani bawk.

Workshop-ah hian SP Aizawl, Addl DC (E), Assistant Commissioner, NGO  leh Aizawl a Private Placement Agencies te an tel a ni.