Vawiin khan LAD Conference Hall. Mamit-ah Directorate of Disaster Management & Rehabilitation bultumin One Day Workshop on Incident Response System neih a ni a, Pu K. Lalthawmmawia District Bawrsap chuan khuallian niin he hun hi a hawng.

He Workshop Pi Melody Ngurthantluangi SDC, Mamit kaihhruaiah thusawiin Pu K. Lalthawmmawia District Bawrhsap chuan Disaster in a nghawng a len em avangin khawvelin a ngaihpawimawh hle a ni a ti a, khuarel chhiatna a lo then changin kan in leh lo leh nunna hlu tak te kan chan thin a, hei hian kan ram Economy pawh min nghawng thin a ni, dinthar leh turin hun, tha leh sum tam tak sen a ngai thin a ni a ti, heng chhiatna lo thleng thei hi engtin nge kan hmachhawn anga, engtinnge kan inchhanchhuah ang tih lo zir lawk erawh a tul tak zet a ni tiin hei hi Department pakhat mai mawhphurhna nilovin kan zavaia kan mawhphurhna a ni a ti a, District Bawrhsap chuan Kan mizo Society in a a ken telsa tlawmngaihna hmanga, tha zawk leh felfai zawka kan mawhphurhna kan hlen theuh hi a pawimawh hle a, chhiatna lo thlen thulah pawh kan theihna hmang tangkai thiam tura zir theuh turin kalkhawm te a sawm a ni.

Vawiin Workshop ah hian Pu Lalhmunsanga Hnamte, Jt Director DM & R leh Pu Zothansanga District Organiser Aizawl ten chhiatrupna lo thleng thei laka kan inven theih dan turte leh a lo thlen thula chetlak dan tur kawng hrang hrangte a lem nen kalkhawm te an zirtira , Pu Victor Lalawmpuia SDC, Mamit in Mamit District chhunga District Disater Management Authority in an hmalakna hrang hrang leh an hnathawh te a tarlang bawk a ni.

He hunah hian Sawrkar Department hrang hrang te, Venhimna lam hna thawktu Police te leh Tlawmngai pawl te an tel a ni.