Vawiin khan Directorate of School Education Conference Hall, Mc. Donald Hill, Aizawl-ah School Education Department hnuaia District 4 : Aizawl, Kolasib, Mamit leh Serchhip District Office hrang hranga data entry hna thawktu turte tan Unified District Information System for Education (UDISE), 2014, ‘Software Training Programme’ neih a ni a. He training programme hi Pu B. Lalchhuanliana, Additional Director of School Education and Nodal Officer, Unified Data (UDISE)-in a hmanpui a ni. Software training hi Pu Francis Malsawmdawnga, Asst. Management Informaion System Coordinator (AMISC), SSA leh Directorate of School Education hnuaia Statistical Cell ten an pe a ni.

He ‘UDISE’ hi kumin September ni 30-a Mizoram puma school awm zawng zawng (Primary school, Middle school, High school leh Higher Secondary School) data dik leh kimchang tarlanna tur a ni. Sawrkar-in School Education Department hnuaia awm SSA leh RMSA ten data chi hrang hrang an nei hi tha a ti lova, kumin atang chuan School Education Department leh a hnuaia awm, SSA leh RMSA ten UDISE data pakhat chauh hi an hmang tawh dawn a ni.