Vawiin khan UD&PA Department buatsaihin YMA Sub-Hqrs. Conference Hall, Lunglei-ah bawlhhlawh sawngbawl dan zirna hun 'One Day Workshop on Solid Waste Management' neih chu Lunglei 'W' bialtu MLA Pu Chalrosanga Ralte-in a hawng.

Workshop hi UD&PA Director Pu Zorammuana-in a kaihruai a, Lunglei khawpui chhunga khawtlang hruaitute leh tlawmngai pawl hrang hrang aiawhte an tel a ni. Khuallian Pu Chalrosanga Ralte chuan thu sawiin mihringin kan hman duh tawh lo leh tangkai lo hi 'bawlhhlawh' emaw 'hnawmhnawk' a ni a, boruak sik leh sa khawih danglam thei a ni, a ti. Mihringte tan harsatna pawh a thlen thei a nih avangin sawngbawl thiam a, hriselna tana pawi lo tur ang berin kan sawngbawl a tul a ni, a ti bawk. Faina hi Pathian anna a nih avangin bawlhhlawh laka kan fihlim theih nan Veng tin VC/NGO te leh sorkar tanrual a pawimawh a ni, a ti.

Vawiina Workshop-ah hian mithiam engemawzat ten thupui hrang hrang hmangin kalkhawmte zirtirin sawizauna hun hman a ni a, chungte chu a hnuaia mi ang hi a ni:

1. Solid Wsate : An Overview - Er. R.L. Zidinga, DUDO, Lunglei

2. Solid Waste Management : Need & Urgency - Er. Andrew Lalhruaia, DUDO, Kolasib

3. Vermi Composing : Scope & Overview - Vermizo

4. Decentralisation of Waste Management - Er.J.Laldingliana, AE, UD&PA.

Heng bakah hian Vermizo kaihhruaina hnuaia 'Practical Demonstartion on Household Vermi Composing' hun hman a ni bawk a ni.