Vawiin chawhma dar 11:00 khan Anti Tobacco Cell, Lunglei District bultumin One Day Workshop on Tobacco Control neih a ni a. He hunah hian Lunglei District huamchhunga NGO leh mimal sawm bikte an kal tha hle a, he Workshop-ah hian Pu S. Laldingliana, Parliamentary Secretary, H & FW chu khuallian a ni.

He workshop an hian Chairman Dr. SR Ngurchamliana, Distrcit Focal point mamber Secretary chuan thuhma sawina hun a hmangin Aizawl leh Lunglei a Anti-Tobacco Cell din a nih dan leh he worshop buatsaih a nih chhante a sawi a. Hemi hnu hian Pu S.Laldingliana Parliamentary Secretary chuan thusawiin zuk leh hmuamin kan ram hmel a tihchhiat dan te a tarlang a. Pu Dinga chuan, "Mizo te hian India hmarchhakah, a tha lamah dinhmun sang ber nihna kawng tam taka kan hauh lai hian Vaihlo hmang uar ber hnam kan ni lehlawi si hi thil pawi a ni a.India rama cancer tamna ber, cancer damdawiin hial neih ngai kan ni hi thil pawi tak a ni. Zuk leh hmuam hian nasa takin kan hriselna a ti chhia a, sum leh pai khawhralna a ni a. Zuk leh hmuamah hian fihlim ila, heng natna hrang hrang te hi nasa takin a kiang dawn a ni. Zuk leh hmuam tih hi kan Kristianna nen pawh a inhmeh lo va, chuvangin sim a midangte zirtirtu ni turin theihtawp i chhuah tlang ang u" a ti.

Hemi hnu hian Dr. Lalremmawii, SMO chuan "Health Effect" tih thupuia hmangin Powerpoint presentation a pe a. Vaihlo tur hnathawh leh taksa a tihchhiat dan te, meizutu mai ni lo, second hand smoker tana a pawi zia te bakah taksa in Tiranga leh Gutkha a chhiatpui theih dante zirho a ni bawk.

Heng bakah hian Dr. T. Lalruatkimi, Psychologist leh Z.T. Vawra Hmar, District Co-ordinator Mizoram State Tobacco Control Society, HFW te Presentation buatsaih chu zir leh ngaihthlak ho a ni bawk.