Oil and Natural Gas Corporation (ONGC) Limited hnuaia Corporate Social Responsibility Group hotu ten Hortoki khua tana tui hnianghnar pek an company ina siam a tum chungchangah vawiin tlai khan Chief Minister Pu Lal Thanhawla chu a chenna bungalow-ah an hmu.

ONGC Corporate Social Responsibility Group hian Hortoki khuain tui hnianghnar an hmuh theihna turin, Mizoram Public Health Engineer Department-in Hortoki Water Supply Scheme an duan chhuah sak a. A senso tur zawng zawng (project cost) an chhutchhuah, Rs.88.45 lakhs chu ONGC Ltd ina tum vek tur a ni a. Hna pawh hi PHED in thawkin, thawh nghal anih theihna turin first installment atan Demand Draft for Rs. 42 Lakhs chu Chief Minister hnenah hian P.C.Agarwal, General Manager(E&T)-CSR in a hlan a ni. Hna tan hun tur ni emaw lumphum phum hun tur ni remchang turte an sawiho nghal bawk a ni.

Chief Minister hi Pu S.Hiato, PHE Minister leh Pu Hmingdailova Khiangte, MLA leh PHED official ten an tawiawm a ni.